Անտառների վերահսկման համակարգ
Համակարգը նախատեսված է անտառածածկ տարածքների վերահսկման համար։ Ինստիգեյթ Ռոբոտիքսը նախագծել է արևային սնուցմամբ աշխատող սարքեր, որոնք, աննկատ ամրացված լինելով ծառերին, կվերլուծեն օդի որակը, շրջակա ձայները, անցուդարձը և իրավիճակային կենտրոն կուղարկեն իրադարձության տվյալները՝
- սարքի կոորդինատները
- նկարահանված պատկերը
- հրդեհի կամ ծառահատման հավանականությունը և այլն
Իրավիճակային կենտրոնի Web հավելվածը կարտապատկերի սարքերից ստացված տվյալները։
Համակարգում նախատեսված են սարքերի մի քանի մոդելներ՝
- wi-fi ցանցում աշխատող սարքեր, որոնք կարող են տեղադրվել քաղաքային պուրակներում
- 3G հեռահաղորդակցության տիրույթում աշխատող սարքեր, որոնք կարող են տեղադրվել
հեռավոր բնակավայրերին մոտ, որտեղ առկա է բջջային ցանց - բնակավայրերից հեռու և առանց որևէ կապի աշխատող սարքեր (կապը կազմակերպվում է սարքում տեղադրված ռադիո բաղադրիչի միջոցով)
Համակարգի սարքերը տեղադրումից հետո սպասարկման անհրաժեշտություն չեն առաջացնի, քանի որ աշխատում են արևային սալիկների սնուցմամբ և իրենց «առողջության» մասին տվյալները ուղարկում են իրավիճակային կենտրոն։
Համակարգի տեխնիկական նկարագիր
- շարժման արձանագրման հեռավորություն - մինչև 7մետր
- շարժման արձանագրման տեսադաշտ - 120 աստիճան
- տեսախցիկի լուսանկարման հեռավորություն - մինչև 7մետր
- տեսախցիկի լուսանկարման տեսադաշտ - 70 աստիճան
- հավանական հրդեհի արձանագրում - մինչև 20-25 մետր
- հավանական ծառահատման արձանագրում - մինչև 100 մետր
- գիշերային տեսողության հնարավորություն
- սարքի ներսում տեղադրված մարտկոցը նույնպես սնուցվում է արևային սալիկից
- ոչ արևային օրերին մարտկոցը կարող է սարքը ապահովել հոսանքով - 10 օր
- սարքերի տեղադրման օպտիմալ հեռավորությունը կախված է տեղանքից և պատվիրատուի անհատական խնդրի պահանջից